Rusiya son beş ildə 50 min elm adamını itirib

Poliqon Rusiyanın “İnterfaks” nəşrinə istinadən xəbər verir ki, bu barədə Rusiya Elmlər Akademiyasının vitse-prezidenti, Rusiya Elmlər Akademiyasının Sibir bölməsinin sədri Valentin Parmon bildirib.

Rusiya Elmlər Akademiyasının rəsmisinin sözlərinə görə, son beş ildə heç bir ölkə elmi sahədə Rusiya qədər işçi itirməyib. Parmon qeyd edib ki, bu gün texnoloji suverenlik, gələcək yüksək texnologiyalardan asılıdır və Rusiya bir dövlət olaraq bunu təmin edəcək insanları itirib.

Rusiya Elmlər Akademiyasının vitse-prezidenti vurğulayıb ki, texnoloji cəhətdən inkişaf etmiş ölkələrin ən azı təqribən orta səviyyəsinə nail olmaq və bacarıqlı insanları elmə cəlb etmək üçün tədqiqatların maliyyələşdirilməsini dəfələrlə artırmaq lazımdır. O, həmçinin əlavə edib ki, hazırda alimlərin əməkhaqqı orta əməkhaqqından iki dəfə az olmamalıdır. Vitse-prezidentə görə bu elmə qarşı ayrı seçkilikdir..

Poliqon.info