Almaniyanın müdafiə naziri Boris Pistorius ölkəsinin enerji sahəsində Rusiyadan asılılığını gözlənilmədən azaltdığını deyib...
Poliqon xəbər verir ki, Pistorius Moskva ilə münasibətlərində əlaqələri kəsmək deyil, riskləri azaltma siyasəti həyata keçirdiklərini bildirib.
Avropa təhlükəsizliyinə tarixi təsirlər göstərən Rusiya-Ukrayna müharibəsinin Almaniyanın müdafiəyə münasibətini dəyişdirdiyinə diqqət çəkən Pistorius ölkəsinin təhlükəsizlik vasitəsi olaraq silah ixracı üçün bələdçi olan ilk Milli Təhlükəsizlik Strategiyası üzərində çalışdıqlarını qeyd edib.
Nazir Avropa İttifaqı (Aİ) ölkələrinin Ukraynaya dəstək məqsədi ilə irəli sürdüyü hərbi sursat istehsalı təşəbbüsünün Aİ üzvü olmayan ölkələrə də açılmasının vacibliyini vurğulayıb.
Moskvanın Rusiya-Ukrayna müharibəsinə görə NATO-nu ittiham etməsini “açıq-aşkar yalan” adlandıran alman nazir bildirib ki, Alyansı ittiham etmək Rusiyanın “qanunlara hörmətsizliyinin” göstəricisidir.
Almaniya və Hindistanın 23 ildir strateji tərəfdaşlıq içində olduğunu bildirən Pistorius, 2024-cü ildə Almaniya donanmasının Hind-Sakit okean bölgəsində yenidən yerləşəcəyini və Hindistan donanması ilə dəniz təlimləri keçirəcəyini bildirib.
Pistorius Almaniya silahlı qüvvələri olan Bundesver-in Hind-Sakit Okean regionunda mövcudluğunu gücləndirəcəyinə, eləcə də Avropada çəkindirmə və müdafiəyə diqqət yetirəcəyinə, eyni zamanda Avropanın silahlı qüvvələri üçün mühüm mesaj olacağına diqqət çəkib.
Poliqon.info