Florida qubernatoru və Respublikaçılardan 2024-cü il seçkilərinin əsas namizədlərindən biri Ron DeSantis avtomobil qəzasına düşüb...
Polqion xarici mətbuata əsasən xəbər verir ki, siyasətçinin mətbuat katibinin sözlərinə görə, insident Tennessi ştatında baş verib.
DeSantisin seçki komandasının sözçüsü Brayan Qriffin Reuters Agentliyinə bildirib ki, qubernator Tennessi ştatının Çattanuqa şəhərindəki tədbirə gedərkən maşını özü sürüb və avtomobil qəzasına düşüb.
Siyasətçinin mətbuat xidməti hələlik insidentlə bağlı əlavə məlumat verməyib. Qəzanın günahkarının da adı açıqlanmayıb.
Florida ştatının qubernatoru, 44 yaşlı Ron DeSantis qarşıdan gələn 2024-cü il seçkilərində keçmiş ABŞ prezidenti Donald Trampa Respublikaçılar Partiyasından əsas rəqib kimi görünür. Siyasətçi mayın 25-də keçiriləcək prezident seçkilərində iştirak etmək niyyətini açıqlayıb.
Poliqon.info