ABŞ Konqresinin Nümayəndələr Palatasındakı respublikaçılar Ukrayna və İsrailə 106 milyard dollarlıq yardım layihəsində dəyişiklik edəcəklər...
Poliqon xəbər verir ki, Bu barədə The Wall Street Journal nəşri yazıb.
Qeyd edək ki, ABŞ prezidenti Co Bayden xalqa müraciətində Ukrayna və İsrailə yardımı gələcək nəsillər üçün "dividendlər" verəcək "ağıllı investisiya" adlandırıb. O, təklif edib ki, Rusiya qalib gəlsə, dayanmayacaq və NATO ölkələrinə hücum edə bilər. Onun fikrincə, nəticədə bütün dünyada potensial təcavüzkarlar cəsarətlənəcək və bu, digər regionlarda münaqişələrə səbəb olacaq.
Lakin Ukraynaya 61 milyard dollar, İsrailə 14 milyard dollar və hər iki regionda humanitar yardıma cəmi 9 milyard dollar ayrılacaq layihə Respublikaçılar Partiyasının xoşuna gəlməyib. Narazılığa səbəb ABŞ-ın cənub sərhədlərinin möhkəmləndirilməsi üçün ayrılan vəsaitin azlığıdır. Hökumət cənub sərhədlərinə cəmi 14 milyard dollar ayırmaq niyyətindədir.
Arkanzasdan olan respublikaçı senator Tom Kotton bildirib ki, Ağ Evin təklifi əvvəldən mümkün deyil, ona görə də Konqresdəki respublikaçılar sərhəd müdafiəsi, Ukrayna və İsraili maliyyələşdirmək üçün alternativ layihə hazırlayacaqlar.
Poliqon.info