Birləşmiş Ştatların BMT-dəki səfiri Linda Thomas-Qrinfild, HƏMAS ilə iddia edilən əlaqələr fonunda BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyində (UNRWA) “köklü dəyişikliklərə” çağırıb...
Poliqon xəbər verir ki, bu barədə The Hill nəşri məlumat yayıb.
“UNRWA bizə məlumatı verib və onlar bu məlumatları araşdırırlar. Agentlik buna çox ciddi yanaşır. Ona görə də onların apardıqları təhqiqatda özümüzü qabaqlamaq fikrində deyiləm, amma bilirəm ki, Agentlikdə fundamental dəyişiklikləri görməliyik. Ancaq bundan sonra biz UNRWA-nın birbaşa maliyyələşdirməni davam etdirə bilərik”, deyə Linda Tomas-Qrinfild bildirib.
Eyni zamanda, o, qeyd etdi ki, UNRWA-nın gördüyü böyük işin üzərinə kölgə düşürülməsinə icazə verilməməlidir.
“UNRWA Fələstin xalqına mühüm humanitar yardım göstərib və UNRWA bu yardımı davam etdirmək imkanına malik olan yeganə təşkilatdır”, deyə səfir bildirib.
Qeyd edək ki, İsrail oktyabrın 7-də HƏMAS-ın İsrail yaşayış məntəqələrinə hücumunda UNRWA-nın bəzi əməkdaşlarının iştirakını iddia edib və onlarla müqavilələri ləğv etmək qərarına gəlib.
Ardınca ABŞ və bir sıra digər ölkələr HƏMAS-la əlaqələri ilə bağlı şübhələrə görə UNRWA-ya pul ayrılmasını dayandırıb.
Poliqon.info
Digərxəbərlər
Populyar xəbərlər
