Qlobal ərzaq xərcləri gələn il artacaq

Bu il qlobal ərzaq idxalı ilə bağlı xərclər 1,94 trilyon ABŞ dollara çatacaq.

Bu barədə BMT-nin Ərzaq və Kənd Təsərrüfatı Təşkilatının (FAO) “Ərzaq icmalı” hesabatında qeyd olunub.

Bu, 2021-ci illə müqayisədə 10% çoxdur.

Sənədə əsasən, bu il qlobal ərzaq idxalı xərcləri bütün zamanların ən yüksək səviyyəsinə çatacaq:

“Bununla belə, sonuncu hesabatla müqayisədə ərzaq məhsullarının qiymətlərinin yüksəlməsinə və valyutaların ABŞ dollarına nisbətdə ucuzlaşmasına cavab olaraq artım tempinin azalacağı gözlənilir. Rusiyanın Ukraynaya təcavüzündən sonra bütün dünyada ərzaq qiymətləri artsada, indi bir qədər azalıb. Bu ölkələr birlikdə bütün buğda, o cümlədən digər taxıl və müvafiq ərzaq məhsulları ixracının təqribən 30 %-ni qarşılayır".

FAO hesab edir ki, qlobal kənd təsərrüfatı məhsulları və ərzaq təhlükəsizliyi üçün mənfi təsirlər 2023-cü ilə qədər uzana bilər:

"Gələn il Kanada və Rusiyada məhsul istehsalının əhəmiyyətli səviyyədə bərpası ilə dünya buğda istehsalının rekord həddə 784 milyon tona çatacağı proqnozlaşdırılır. Bu, qlobal buğda ehtiyatlarını rekord səviyyələrə çatdırsa da, tədarüklərin daha çox Çin və Rusiyada gözlənildiyi üçün dünyanın qalan hissəsində isə ehtiyatların 8 % azalacağı gözlənilir".

pia.az