Qəzza zolağının səhiyyə sistemi tamamilə dağılıb və kəskin çatışmamazlıqlar var...
Poliqon xəbər verir ki, bunu "RİA Novosti"yə Fələstinin səhiyyə naziri Mai əl-Keyla deyib.
"Səhiyyə sistemi tamamilə dağılıb, Qəzza zolağında xərçəng, şəkərli diabet və böyrək çatışmazlığı üçün dərmanlar tükənib və tibbi ləvazimatların kəskin çatışmazlığı var", deyə əl-Keyla bildirib.
O, Qəzzanın əsas tibb müəssisələrinin fəaliyyətini bərpa etmək üçün təcili yanacaq tədarükünə ehtiyac olduğunu vurğulayıb: "Alınan humanitar yardım dəryada bir damladır, onun çatdırılması üçün təhlükəsiz dəhlizləri təmin etməliyik".
Oktyabrın 7-də səhər saatlarında Fələstinin HƏMAS hərəkatının hərbi qanadının elan etdiyi "Əl-Əqsa tufanı" əməliyyatı çərçivəsində İsrail Qəzza zolağından görünməmiş miqyaslı raket hücumuna məruz qalıb. Buna cavab olaraq İsrail Müdafiə Qüvvələri Qəzza zolağında HƏMAS-a qarşı "Dəmir Qılınclar" əməliyyatına başlayıb. İsrail həmçinin Qəzza zolağının tam blokadaya alındığını elan edib: su, qida, elektrik, dərman və yanacaq tədarükü dayandırılıb.
Qəzza zolağında qurbanların sayı 5 mini keçib, 15 mindən çox yaralı var. İsraildə yerli hakimiyyət orqanlarının məlumatına görə, 1.3 mindən çox insan ölüb. Müxtəlif mənbələrə görə, təxminən 150 israilli HƏMAS-ın əsirliyində ola bilər. Hərəkat özü bildirib ki, Qəzza zolağında təxminən 200-250 məhbus var.
Poliqon.info