Ermənistan Daxili İşlər Nazirliyinin rəhbəri müxalifət lideri olan din xadimi ilə görüşə hazır olduğunu açıqlayıb...
Poliqon xəbər verir ki, bu barədə Ermənistan Daxili İşlər Nazirliyinin mətbuat katibi Narek Sarkisyan “Vətən adına Tavuş” müxalifət hərəkatının lideri Baqrat Qalstanyana və jurnalistlərə bildirib. Mətbuat katibi qeyd edib ki, daxili işlər naziri Vahe Qazaryan Qalstanyanla görüşməyə hazırdır, lakin bu görüş küçədə olmayacaq.
“Nazir Qalstanyanla görüşməyə hazırdır, lakin bu görüş küçə formatında baş tuta bilməz”deyə Sarkisyan bildirib.
Qeyd edək ki, yerli xəbər portalları Daxili İşlər Nazirliyinin binasından canlı yayım aparırlar. Son olaraq Baqrat Qalstanyan polis rəisi Aram Hovhannisyanla danışıqlar aparıb, o, da nazirin müxalifət lideri ilə görüşməyə hazır olduğunu təsdiqləyib, lakin qeyd edib ki, bu görüş küçə formatından kənarda olmalıdır.
Qeyd edək ki, Qalstanyan bu nazirlə görüş tələb edib və tərəfdarları ilə Daxili İşlər Nazirliyinin binasının qarşısına gəlib.
Poliqon.info