“Putinin xəstəliyi hər gün irəliləyir” - Yeni iddialar

Putinin Pasxa bayramı zamanı çəkilən görüntüləri yenidən böyük müzakirələrə səbəb olub. Dünya mediasında sürətlə paylaşılan görüntülər Putinin xəstəliyi ilə bağlı iddiları yenidən gündəmə gətirib.

“AzPolitika.info” Britaniyanın “Daily Mail” nəşrinə istinadla xəbər verir ki, Putinin ötən gün Pasxa bayramıyla əlaqədar getdiyi Moskvadakı Xilaskar Məsih Kafedralında şəhərin meri Sergey Sobyaninin yanında dayanmaqda çətinlik çəkdiyi, dodaqlarını dişləməsi və yalaması böyük müzakirələrə səbəb olub.

Qəzet yazır ki, ritual zamanı çəkilən görüntülərdə Putinin narahat hərəkətləri, Ukraynada üzləşdiyi hərbi uğursuzluqlarla əlaqədardır.

Məlumatda qeyd olunur ki, Putinin titrəməsi və yavaş hərəkətləri Parkinson xəstəliyindən əziyyət çəkən insanın reaksiyalarına bənəzyir.

Xatırladaq ki, ötən həftə Putinin Rusiya müdafiə naziri Sergey Şoyqu ilə görüşdə sonadək sağ əli ilə masanın küncündən tutması, üzünün şişməsi və digər hərəkətləri Rusiya prezidentiylə bağlı xəstəlik iddialarını yenidən gündəmə gətirmişdi.

pia.az