Fransanın sağçı populist “Milli Birlik” partiyasının keçmiş lideri, uzun müddət “Putinin rəfiqəsi” kimi tanınan Marin Le Pen parlamentdə Ukraynaya dəstək müzakirəsi zamanı gözlənilmədən Rusiyanı müharibəyə görə sərt tənqid edib...
Poliqon xəbər verir ki, bu barədə BFMTV telekanalı məlumat yayıb.
Le Pen Milli Assambleyanın tribunasından fevralın 24-də Ukraynaya genişmiqyaslı hücumla Rusiyanın “Aİ-nin astanasında müharibəyə və son 20 ilin ən dramatik geosiyasi böhranına yol açdığını” bəyan edib və xatırladıb ki, bu müharibə nəticəsində minlərlə ölü və yaralı var. Milyonlarla insan isə öz evlərindən didərgin düşüblər.
“Biz təcavüzə məruz qalmış Ukrayna xalqına hörmət və dəstəyimizi borcluyuq... Məhz Ukrayna xalqının qəhrəmancasına müqaviməti sayəsində Rusiya məğlub oldu”, deyə Marin Le Pen deyib.
Le Pen Fransanın Ukraynaya həm müharibə səbəbindən xaricə gedən ukraynalılara sığınacaq, həm də maddi yardım, o cümlədən silah şəklində dəstək verdiyini xatırladıb.
Eyni zamanda, Le Pen prezident Emmanuel Makronun gələcəkdə Qərb müttəfiqlərinin qoşunlarının Ukraynada potensial mövcudluğunu istisna etmədiyi barədə sözlərini də tənqid edib.
Siyasətçi həmçinin Makronu seçki məqsədləri naminə Ukraynadakı müharibəni “instrumentallaşdırmaqda” ittiham edib.
Poliqon.info