Afrika qitəsi öz tibbi, texnoloji və elmi potensialını inkişaf etdirməlidir və Rusiya bu sahədə əməkdaşlığa hazırdır...
Poliqon xəbər verir ki, bunu Rusiya prezidenti Vladimir Putin deyib.
Onun sözlərinə görə, dünyada yeni epidemiyaların riski çox yüksək olaraq qalır və Afrika xüsusilə həssasdır. O, bunu yoluxucu xəstəliklərə nəzarət üzrə birinci Rusiya-Afrika Beynəlxalq Konfransının iştirakçılarına müraciətində deyib.
"Afrika qitəsi bu çağırışlara qarşı xüsusilə həssasdır və əhalini müxtəlif infeksiyalardan qorumaq üçün tibbi, elmi və texnoloji potensialın genişləndirilməsini sürətləndirməlidir. Rusiya isə öz növbəsində səhiyyənin bu mühüm sektorunda ən fəal əməkdaşlığa hazırdır", deyən Putinin müraciətini "Rospotrebnadzor"un rəhbəri Anna Popova oxuyub.
Prezident xatırladıb ki, Afrika ölkələrinə sanitar-epidemioloji rifah sahəsində yardım proqramı 2023-cü ildən başlayıb. Bu, yüksək səviyyəli bioloji mühafizəyə malik 10 səyyar laboratoriyanın təchizatını, 350-dən çox afrikalı mütəxəssisin hazırlanmasını, həmçinin birgə elmi tədqiqatları nəzərdə tutur.
Yanvarda İsveçrənin Davos şəhərində keçirilən Dünya İqtisadi Forumunda X xəstəliyi müzakirə olunub. Bu, epidemiyaya və ya pandemiyaya səbəb ola bilən nəzəri cəhətdən naməlum patogendir. Ümumdünya Səhiyyə Təşkilatı (ÜST) X-ı xəstəlik aşkar edildikdə dərmanların təcili hazırlanmasını tələb edən ən təhlükəli xəstəliklər siyahısına daxil edib. ÜST xəstəliyinin COVID-19-dan 20% daha təhlükəli ola biləcəyini təxmin edir.
Poliqon.info