Pornoaktrisa Stormi Daniels: Bilmirəm necə oldu, amma özümü onun altında yataqda gördüm...

Stormi Daniels yenidən diqqət mərkəzindədir, çünki Donald Tramp ağır cinayətlərdə ittiham olunur və indi 136 ilə qədər həbs cəzası ala bilər.

Poliqon xəbər verir ki, hazırda ABŞ-ın keçmiş prezidenti Donald Trampın mühakimə olunduğu cinayət işinin qəhrəmanı pornoulduz Stormi Daniels “Vogue” jurnalına müsahibə verib.

Porno aktrisa siyasətçi ilə münasibətindən, onunla ilk şəxsi görüşdə baş verən seksdən, susmasının müqabilində ona necə pul ödədiyindən və onunla görüşdükdən sonra həyatının necə “cəhənnəmə çevrilməsindən” danışıb.

Bildirilir ki, Mnahetten məhkəmə prokurorluğu tərəfindən Trampa qarşı irəli sürülən ittihamların əksəriyyəti 2006-cı ildə münasibətdə olduğu porno ulduza qarşı susma ödənişi işi ilə bağlıdır. Tramp 2016-cı il prezident seçkiləri öncəsi susması müqabilində Danielsə 130 min dollar ödəyib, sənədlərə görə isə bu ödəniş hüquqi xərc kimi təqdim edilib.

Qeyd edək ki,biznes sənədlərinin saxtalaşdırılması ABŞ-da cinayət hesab edilir.

2018-ci ildə Stormi Daniels, aldığı “rüşvət”ə baxmayaraq, Trampla münasibəti barədə açıq danışdığı üçün özünü qalmaqalın mərkəzində tapdı və aktrisanın sözlərinə görə, həmin vaxt o, çoxlu hədələr alıb. Elə həmin il o, Trampı böhtana görə məhkəməyə verib. CNN-in məlumatına görə, məhkəmə (hazırda Trampın əsas işinə baxan məhkəmə deyil) keçmiş prezidentin tərəfini tutub və Trampın vəkillərinə ödədiyi 500.000 dollardan əlavə, Danielsə 120.000 dollar vəkillik xərcləri ödəmək haqqında qərar qəbul edib.

“Tək bildiyim odur ki, mən çeki alandan sonra həyatım cəhənnəmə çevrildi. İndi isə mənim adım yenidən xəbərlərin manşetindədir. Buna görə də mənim satdığım brend məhsulların qiyməti də artıb və bu təbiidir. Ancaq onlar deyirlər ki, mən marketinq reketi ilə məşğul oluram. Halbuki Tramp bütün bunların fonunda öz prezidentlik kampaniyası üçün milyonlar toplayır”, deyə Stormi Daniels Vogue jurnalına müsahibəsində bildirib.

Poliqon.info