Rusiya prezidenti Vladimir Putinin mətbuat katibi Dmitri Peskov bildirib ki, Moskva öz məqsədlərinə daha çox sülh yolu ilə nail olmağa kömək edəcək istənilən təmaslara hazırdır...
Poliqon.info xəbər verir ki, “İzvestiya” qəzetinə müsahibəsində Peskovun iddiasına görə son vaxtlar Almaniya və Fransa liderlərindən Putinlə təmaslara başlamaq üçün heç bir təşəbbüs olmayıb.
“Biz Şolts və Macron-un çoxlu bəyanatlarını eşidirik, onlar vəziyyətdən çıxış yolları axtarmaq üçün Putinlə əlaqə saxlamağa davam edəcəklərini deyirlər. Ancaq son vaxtlar bununla bağlı heç bir təşəbbüs yoxdur. Biz Makronun Putinə zəng edib danışmağa hazır olması barədə beş-altı bəyanat eşitmişik, amma hamı bunu bilməlidir ki, daçışıqlar üçün üçün heç bir sorğu, oriyentasiya və ya mümkün tarixlər barədə sorğular olmayıb”, deyə Peskov “İzvestiya” qəzetinə müsahibəsində bildirib.
Peskov əmindir ki, Fransa və Almaniya müharibədə Ukrayna tərəfində “döyüş dolayısı ilə iştirak edirlər, buna görə də onların vasitəçilik potensialı sadəcə yox olur.
“Prezident Putin Rusiyaya bu və ya digər şəkildə öz məqsədlərinə çatmağa kömək edə biləcək istənilən təmaslara açıqdır. Sülh yolu ilə, danışıqlar masası arxasında Ukrayna probleminin həll yolu var. Lakin danışıqlardan imtina indi gördüyümüz vəziyyəti yaradır”, deyə Kreml sözçüsü əlavə edib.
Qeyd edək ki, yanvarda Almaniya kansleri Olaf Şolts bildirmişdi ki, Ukraynada müharibənin bitməsi üçün Rusiya hərbi məğlubiyyətə uğramalıdır.
Fransa prezidenti Emmanuel Makron deyib ki, elə an gələcək ki, biz Rusiya ilə sülh qurmalı olacağıq. Fevralda o, Ukraynadakı münaqişənin sülh yolu ilə həlli üçün beynəlxalq konfrans keçirməyi təklif edib.
Poliqon.info