Rusiyanın Tu-22M3 səsdən sürətli strateji bombardmançı təyyarəsi Novqorod vilayətində Soltsı aviabazasında məhv edilib...
Poliqon xəbər verir ki, bu barədə Rusiya-Ukrayna müharibəsini izləyən OSINT layihəsi məlumat yayıb. Nəşr aeroportda yanan təyyarənin şəkillərini də dərc edib.
Ukraine Weapons Tracker tərəfindən yayımlanan şəkillərdə aeroprtda təyyarəni bürüyən güclü yanğın görünür. Yalnız təyyarənin burnu yanğınla örtülmür və ondan müəyyən etmək mümkündür ki, yanan təyyarə doğrudan da Tu-22MZ strateji bombardmançı təyyarəsidir.
OSINT layihəsi həmçinin aerodromun planı dərc edilib və orada yanğının baş verdiyi yer qeyd edilib.
Rusiyanın “VÇK-OGPU” Telegram kanalı isə şənbə günü şahidlərə istinadən xəbər verib ki, Ukrayna PUA-ları Soltsı hərbi aerodromunu vurduqdan sonra ən azı iki təyyarə partlayıb. Həmin mənbə şənbə günü yazıb ki, sağ qalan təyyarələr Murmansk vilayətindəki Olenya bazasına doğru hərəkət edir.
Öz növbəsində, Rusiya Müdafiə Nazirliyi şənbə günü bildirib ki, kopter tipli PUA hücumu nəticəsində Soltsı hərbi aerodromunda yanğın baş verib və bir təyyarəyə ziyan dəyib, lakin xəsarət alan olmayıb.
Qeyd edək ki,Soltsı aerodromundan Ukrayna ilə sərhədə qədər təxminən 700 kilometr məsafə var.
Poliqon.info
Digərxəbərlər
Populyar xəbərlər
