Polşa prezidenti Ancey Duda Putini nüvə silahına görə “lənət”lə hədələyib...
“Nüvə silahından ilk istifadə edən dövlət başçısı lənətlənəcək”.
Poliqon Polşanın PAP Agentliyinə istinadən xəbər verir ki, bu sözləri Polşa prezidenti Anjey Duda Rusiyanın nüvə doktrinasına edilən dəyişiklikləri şərh edərkən deyib.
“Putin də öz generalları kimi yaxşı bilir ki, kim nüvə silahından birinci istifadə edirsə, lənətlənəcək”, deyə Polşa prezidenti bildirib.
Rusiyanın nüvə doktrinasındakı dəyişiklikləri qiymətləndirən Duda qeyd edib ki, Moskva bu sənəddə uzun illər yazılanları təkrarlayır.
Qeyd edək ki, Vladimir Putin Rusiyanın nüvə silahından istifadə şərtlərinin müəyyənləşdirilməsinə bir sıra dəyişikliklərin edilməsini təklif edib. Dəyişikliyə görə, hər hansı qeyri-nüvə dövləti tərəfindən, lakin nüvə ölkəsinin iştirakı və ya dəstəyi ilə Rusiya Federasiyasına qarşı təcavüzü birgə hücum kimi qiymətləndirilməsi təklif edilir.
Poliqon.info