UFC tarixində ilk ikiqat çempion, eyni vaxtda iki kəmərə (az çəkidə və yüngül çəkidə) sahib olan Konor Makqreqor 2025-ci il seçkilərində İrlandiya prezidentliyi uğrunda mübarizə aparmaq niyyətində olduğunu açıqlayıb.
Poliqon xəbər verir ki, vu barədə qarışıq döyüş növləri üzrə döyüşçü X sosial şəbəkəsindəki səhifəsində yazıb.
"Prezident kimi mənim həm parlamentin aşağı palatasını çağırmaq, həm də onu buraxmaq səlahiyyətim olacaq. Artıq demişəm ki, İrlandiya xalqının bu soyğunçulardan, kiçik biznesi və ailə dəyərlərini dağıdanlardan istədiyi bütün suallara cavab istəyirəm. Yüksək vəzifələrdə olan şarlatanlar hesab verməlidir", deyə Makqreqor bildirib.
Keçmiş UFC çempionu qeyd edib ki, İrlandiya xalqının fəal prezidentə ehtiyacı var və o, öz namizədliyini bunun üçün "yeganə məntiqli" variant hesab edir.
Makqreqor son döyüşünü 2021-ci ilin yayında UFC 264-də amerikalı Dastin Puaryeyə qarşı keçirib. Döyüş birinci raundda Makqreqorun ayağı sınması ilə başa çatıb. Bu il iyunun sonunda 36 yaşlı Makqreqor üç ildən sonra oktaqona qayıtmalı idi, lakin onun amerikalı Maykl Çandlerlə döyüşü ləğv olunub. Qarışıq döyüş növləri üzrə karyerası ərzində Makqreqor 22 qələbə qazanıb və altı məğlubiyyət alıb.
Poliqon.info
Digərxəbərlər
Populyar xəbərlər
