Donald Tramp prezident seçkilərində qalib gələcəyi təqdirdə İlon Maska hansı vəzifəni təklif edəcəyini açıqlayıb...
Respublikaçılar Partiyasından prezidentliyə namizəd Donald Tramp noyabrın 5-də keçiriləcək seçkilərdə qalib gəlsə, milyarder tərafdarı rəhbərlik etdiyi hökumətin səmərəliliyini artırmaq üçün İlon Maskın başçılığı altında komissiya yaradacağını deyib.
Poliqon xəbər verir ki, bu barədə Reuters Agentliyi məlumat yayıb.
Agentlik məlumatlı mənbələrə istinadən xəbər verib ki, keçmiş ABŞ prezidenti bir neçə həftədir ki, öz köməkçiləri ilə hökumətin səmərəliliyini artırmaq üçün komissiya yaratmaq ideyasını müzakirə edir.
Cümə axşamı Nyu-York İqtisadi Klubunda çıxış edən Tramp ilk dəfə bu ideyanı açıq şəkildə dilə gətirib. Tramp həmçinin ilk dəfə Maskın bu quruma rəhbərlik etməyə razılaşdığını bildirib.
“Mən hökumətin effektivliyi üzrə komissiya yaradacağam, ona bütün federal hökumətin tam maliyyə və fəaliyyət göstəricilərini nəzərdən keçirmək və köklü islahatları tövsiyə etmək tapşırıacaq”, deyə Tramp bildirib.
Öz növbəsində Mask ABŞ-ın keçmiş prezidenti ilə bu məsələ ilə bağlı danışdığını və bu departamentdə işləməkdə maraqlı olacağını bildirib.
“Fürsət yaranarsa, mən Amerikaya xidmət etməyi səbirsizliklə gözləyirəm. Maaş, titul, tanınma tələb olunmur” deyə Mask öz mikrobloqunda yazıb.
Poliqon.info