Makmaster: Tramp Əfqanıstandan qoşunların çıxarılmasında iştirak edib

Poliqon “Newsweek” portalına istinadən xəbər verir ki, bunu Trampın keçmiş müşaviri Herbert Makmaster deyib.

Makmasterin sözlərinə görə, keçmiş prezident baş verənlərə görə qismən məsuliyyət daşıyır, çünki Əfqanıstandan qoşunların çıxarılması şərtləri ilə bağlı “Taliban”la danışıqlara məhz o başlayıb.

Trampın keçmiş müşaviri bu qərarın səhv olduğunu açıqlayıb.

Xatırladaq ki, 2021-ci il avqustun əvvəlində “Taliban” islamçı radikal dini-siyasi hərəkatı Əfqanıstan hökumət qüvvələrinə qarşı hücumlarını gücləndirərək avqustun 15-də Kabilə daxil olub və ertəsi gün müharibənin başa çatdığını elan edib. Bundan əvvəl Bayden adminstrasiyası Əfqanıstandan ABŞ qoşunlarının çoxarılması barədə qərar verib.

İki həftə ərzində Qərb ölkələrinin vətəndaşları və onlarla əməkdaşlıq edən yerli sakinlər fəal şəkildə təxliyə edilib. Avqustun 31-nə keçən gecə Amerika hərbçiləri Kabil hava limanını tərk edərək, ABŞ-ın Əfqanıstanda təxminən 20 illik hərbi mövcudluğuna son qoyub.

Poliqon.info