Almaniya kansleri Zolingendəki hücumdan sonra qeyri-qanuni immiqrantların deportasiyasını gücləndirəcəyini vəd edib...
Almaniya hakimiyyəti ölkədə olmaq hüququ olmayan şəxslərin ölkədən çıxarılması üçün bütün mümkün tədbirləri görməlidir.
Poliqon xəbər verir ki, bunu Almaniya kansleri Olaf Şolts Zolingen şəhərində baş verən terror aktından sonra çıxışı zamanı deyib.
“Biz hər şeyi etməliyik ki, mümkünsə, ölkəmizdə belə hadisələr baş verməsin. Əlimizdə olan, edilə bilən hər şey edilməlidir”, deyə kansler bildirib.
Siyasətçi həmçinin bəyan edib ki, ölkə hakimiyyəti silah gəzdirmə qaydalarını, xüsusən də bıçaqla bağlı qaydaları növbəti dəfə sərtləşdirəcək.
Xatırladaq ki, Zolingendə hücum avqustun 23-də baş verib. Hücum nəticəsində 10-dan çox adam yaralanıb. Terror aktını törədənin bir neçə il əvvəl Almaniyaya gəlmiş qaçqın olduğu üzə çıxıb. Lakin o, Almaniyadan sığınacaq üçün icazə ala bilməyib.
Poliqon.info