Rusiya daim uyğunlaşır, Qərbin yüksək dəqiqlikli silahlarını yararsız edir...

Poliqon The Wall Street Journal-a istrinadən xəbər verir ki, Rusiya ordusu geniş elektron müharibə imkanlarından istifadə edərək daim uyğunlaşır.

Qeyd olunur ki, məsələn, Amerikanın "M982 Excalibur" artilleriya mərmiləri 2022-ci ilin yayında Ukraynada döyüş meydanına düşən kimi möcüzələr yaradıb. GPS ilə idarə olunan sursatlar rus tanklarına və artilleriyasına cərrahi dəqiqliklə zərbə vurub, lakin bu, uzun sürməyib. Bununla belə, ukraynalı komandirlərin sözlərinə görə, 2023-cü ilin ortalarına qədər "Excalibur" sursatları faktiki olaraq yararsız hala düşüb və artıq istifadə olunmur.

Oxşar aqibət Qərbin texnoloji üstünlüyünü nümayiş etdirən bir neçə digər silah növlərinin başına gəlib.

"Rusiyanın müdaxiləsi "Excalibur"la xüsusilə uğurlu olub. Fransa və İsveç istehsalı "Bonus" kimi digər yüksək dəqiqlikli artilleriya mərmiləri də Rusiyanın müdaxiləsi nəticəsində daha az effektiv olub", deyə nəşr yazır.

Ukrayna hərbi rəsmilərinin dediyinə görə, Rusiyanın elektron əks-tədbirlərinin, həmçinin 2022-ci ilin yayında müharibənin gedişatını Ukraynanın xeyrinə çevirən silah olan HIMARS üçün GMLRS sursatlarının dəqiqliyini əhəmiyyətli dərəcədə azaltdığı deyilir.

"Yoxlama məsafədən asılı olaraq dəyişir. Bu, 2022-ci ildə Rusiya bunkerlərini, komanda mərkəzlərini, pontonlarını, silah anbarlarını və qorunan avadanlıqları hədəf almaq üçün böyük uğurla istifadə edilən unitar döyüş başlığına malik M31 GMLRS raketi üçün böyük problemdir", deyə WSJ bildirib.

Qeyd olunur ki, son vaxtlar təqdim edilən bəzi digər Qərb yüksək dəqiqlikli silahları Rusiyanın mühüm hədəflərini vurmağa davam edir. Bunlar ABŞ istehsalı olan ATACMS ballistik raketləri, həmçinin "Storm Shadow" qanadlı raketləridir. Lakin Ukrayna hərbi və Qərb müdafiə ekspertlərinin fikrincə, Rusiyanın bu raketlərin effektivliyini azaltmağı və tutma səviyyəsini artırmağı öyrənməsi də an məsələsidir.

Xarici Siyasət Tədqiqat İnstitutunun baş elmi işçisi Rob Li deyir: "Biz güman etməliyik ki, həmişə uyğunlaşma olacaq və ruslar çox şeyə uyğunlaşıblar".

ABŞ Müdafiə Nazirliyinin sözçüsü bildirib ki, Pentaqon Rusiya tərəfindən yaranan inkişaf edən elektron müharibə təhlükəsindən çox xəbərdardır. Onun sözlərinə görə, Birləşmiş Ştatlar bu təhlükəyə tez cavab vermək və Amerikanın dəqiq idarə olunan silahlarının müharibə zamanı təsirli qalmasını təmin etmək üçün Ukrayna və müdafiə sənayesi tərəfdaşları ilə sıx əməkdaşlıq edir.

Xatırladaq ki, may ayında Kiyev onların effektivliyinin aşağı olduğunu bildirdikdən sonra ABŞ-ın Ukraynaya "Excalibur" idarə olunan artilleriya mərmilərinin tədarükünü dayandırdığı məlum olmuşdu.

Qeyd olunub ki, Rusiyanın amerikalıların təqdim etdiyi bir neçə silahın idarəedici sistemlərini tıxaması onun ərazilərini müdafiə etmək qabiliyyətini sarsıdıb. Buna cavab olaraq, Birləşmiş Ştatlar sadəcə "Excalibur" mərmilərinin növbəti tədarükünü dayandırıb.

Eyni zamanda, Rusiyanın elektron müharibə sistemlərindən ən çox "Excalibur" mərmilərinin və HIMARS raket artilleriya sisteminin zərər çəkdiyi də göstərilib.

Poliqon.info