Qazaxın digər 4 kəndinin geri qaytarılıb-qaytarılmayacağı sülh prosesində müzakirə olunurmu?..
Politoloq: “Qazaxın növbəti dörd kəndinin Azərbaycana qaytarılması zaman-zaman dilə gətirilir. Amma Ermənistanda daxili vəziyyət gərginləşdiyinə görə bu məsələdə bir az geri çəkilmə baş verir”.
“Hər bir halda, dörd kəndin Azərbaycana qaytarılması məsələsi qaçınılmazdır. Bunun üçün sadəcə olaraq lazım olan mexanizmlərin qurulması əsas şərt hesab edilir”.
Bu sözləri politoloq Samir Hümbətov işğaldan olan 4 kəndin taleyini Poliqon-a şərh edərkən qeyd edib
Qazaxın 4 kəndinin işğaldan azad edilməsinin ardınca, digər 4 kəndin də geri qaytarılıb-qaytarılmayacağı müzakirə mövzusu idi. Lakin son vaxtlar bu istiqamətdə heç bir məlumat verilmir.
Bəs, işğal altında olan 4 kəndin taleyi necə olacaq?
Mövzunu Poliqon-un əməkdaşı Diplomatiya Araşdırmaları Mərkəzinin sədri, politoloq Samir Hümbətov ilə müzakirə edib.
Samir Hümbətov: “İndiki vəziyyətdə Ermənistanın mövcud hökümətinə daxili auditoriyanı sakitləşdirmək və həmin kəndlərin Azərbaycana verilməsi məsələsini daxili auditoriyalarında formalaşdırmaq üçün zaman lazımdır”.
Dörd kəndin Azərbaycana qaytarılması məsələsinin qaçınılmaz olduğunu vurğulayan politoloq Poliqon-a açıqlamasında qeyd edib ki, bunun üçün müəyyən zaman ehtiyac var:
“Qazaxın növbəti dörd kəndinin Azərbaycana qaytarılması zaman-zaman dilə gətirilir. Amma Ermənistanda daxili vəziyyət gərginləşdiyinə görə bu məsələdə bir az geri çəkilmə baş verir. Azərbaycana qaytarılmalı olan dörd kənd strateji kəndlərdir. Buna görə düşünürəm ki, kəndlərin qaytarılması bir az zaman ala bilər.
Dörd kəndin taleyi ilə bağlı Azərbaycan dövləti artıq bəyanat verib. Həmin kəndlərin Azərbaycana qaytarılması məsələsi gündəmdədir. Amma indiki vəziyyətdə Ermənistanın mövcud hökümətinə daxili auditoriyanı sakitləşdirmək və həmin kəndlərin Azərbaycana verilməsi məsələsini daxili auditoriyalarında formalaşdırmaq üçün zaman lazımdır.
Hər bir halda, dörd kəndin Azərbaycana qaytarılması məsələsi qaçınılmazdır. Bunun üçün sadəcə olaraq lazım olan mexanizmlərin qurulması əsas şərt hesab edilir”.
Nərminə UMUDLU
Poliqon.info