Nyu-York məhkəməsi Hondurasın keçmiş prezidenti Xuan Orlando Hernandesi narkotik qaçaqmalçılığı ittihamı ilə 45 il həbs cəzasına məhkum edib...
Poliqon Tass Agentliyinə istinadən xəbər verir ki, bu barədə Ədliyyə Nazirliyi məlumat yayıb.
“Hondurasın keçmiş prezidenti, 55 yaşlı Xuan Orlando Hernandes bu gün kokain idxalı və əlaqəli silah cinayətlərinə görə 540 ay həbs və 60 ay nəzarət altında azadlığa məhkum edilib”, deyə departamentin açıqlamasında deyilir.
Qeyd edək ki, 2022-ci ilin fevralında Hernandes Tequsiqalpada saxlanılıb və martın ortalarında məhkəmə onun ABŞ-a ekstradisiyasına icazə verib.
2021-ci ildə Hernandesin qardaşı Xuan Antonio Hernandes narkotik alverində iştirak etdiyinə görə ABŞ-da ömürlük həbs cəzasına məhkum edilib.
Poliqon.info