Ukrayna səmasında partlayışlar olmadan parıltı müşahidə edilib - Bu nə ola bilər?..

Poliqon xəbər verir ki, bu barədə yerli TSN telekanalı məlumat yayıb. Yerli sakinlər sosial şəbəkələrdə bu qeyri-adi hadisəni müzakirə edirlər.

Qeyd edilir ki, mayın 1-nə keçən gecə Dnepropetrovsk və Xarkov vilayətləri üzərində səmada parlaq parıltı görünüb, lakin partlayış olmayıb.

Güclü parıltını Poltava, Sumı, Zaporojye vilayəti və bir sıra digər vilayətlərin sakinləri də müşahidə ediblər. TSN qeyd edir ki, bu parıltının mənbəyi kosmik hadisə ola bilər. Məsələn Yerə yaxın məsafədən meteorun uçuşu ehtimalalr arasındadır. Çünki bir göy cismi atmosferə daxil olduqda, bolidlər kimi tanınan parlaq parıltılar meydana gəlir.

Telekanal qeyd edib ki, böyük ehtimalla, səmadakı parıltı hərbi əməliyyatların aparılması ilə bağlı deyil.

Baş verən hadisə ilə bağlı heç bir rəsmi məlumat yoxdur.

Poliqon.info