“Shusha, the cultural capital of Azerbaijan, in photos” (Azərbaycanın mədəniyyət paytaxtı Şuşa fotolarda) adlı beynəlxalq fotoqrafiya layihəsinin icra mərhələsinə başlanılıb...
Feso.az xəbər verir ki, layihədə ilk olaraq Azərbaycan İncəsənət Məktəbinin təşkilatı dəstəyi ilə 4 günlük fotosərgi açılıb. Sərgilər Şuşa şəhərinin2023-cü il üçün “Türk dünyasının mədəniyyət paytaxtı”seçilməsi ilə əlaqədar təşkil edilir.
Sözügedən layihə Azərbaycan Respublikasının Gənclər Fondunun maliyyə dəstəyi ilə “Uşaq və Yeniyetmələrə Dəstək” (UYD) ictimai birliyi tərəfindən icra olunur. Layihədə məqsəd Şuşanın tarixinin və mədəni irsinin yerli, türk və gürcü gəncləri arasında təbliğ edilməsindən ibarətdir.
Növbəti mərhələdə Azərbaycanın Balakən rayonunda, Gürcüstanın Tbilisi şəhərində, Bolnisi və Marneuli rayonlarında, Türkiyənin İstanbulvə Antalya şəhərindəolmaqla, ümumilikdə 11 günlük fotosərgilərin təşkili nəzərdə tutulur.
Sərgilənən fotolar arasında fotolar arasında Üzeyir Hacıbəyli, qardaşı Ceyhun Hacıbəyli, Bülbül, Rəşid Behbudov, Xan Şuşinski, Seyid Şuşinski, Niyazi, Məşədi Cəmil Əmirov, Fikrət Əmirov, Cabbar Qrayağdıoğlu, tərzan Sadıqcan, Soltan Hacıbəyov, Süleyman Ələsgərov kimi Şuşa musiqiçilərinin, Şuşa şəhərini əks etdirən görüntülərin fotoları yer alır.
Sərgini ziyarət edənlərə Şuşanın fotoları əks olunan açıqcalar paylanılır, fotolar vasitəsilə gənclər və digər qonaqlar arasında Şuşa musiqiçiləri və mədəni irsi haqqında məlumatlılıq artırılması hədəflənir.
Fotolar
Poliqon.info
Digərxəbərlər
Populyar xəbərlər
