Amerikanın Avropa ölkələri üzərindəki "müdafiə çətiri" tezliklə bağlana bilər, ona görə də Avropa İttifaqı hətta NATO daxilində də yalnız öz gücünə arxalanmalıdır...
Poliqon xəbər verir ki, bunu Avropa diplomatiyasının rəhbəri Cozep Borrel Brüsseldə keçirilən konfransda çıxışı zamanı deyib.
Söhbət "Soyuq müharibə" dövründə Avropanı qoruyan "çətir"dən gedir. Borrell qeyd edib ki, bu ilin noyabrında ABŞ prezident seçkilərində kimin qalib gələcəyindən asılı olaraq "çatir" bağlana bilər. Bu seçkidə Co Baydenin, yoxsa Donald Trampın qalib gəlməsindən asılıdır.
Diplomat əlavə edib ki, Şimali Atlantika Alyansının əhəmiyyəti qalır, lakin təşkilat daxilində Avropa komponenti meydana çıxmalıdır.
Borrell bildirib ki, müdafiə məsələləri Avropa İttifaqında siyasətin əsas mövzusuna, müdafiə təşəbbüsləri isə Avropa siyasətinin "ürəyinə" çevrilməlidir.
"Ən ciddi mənada müdafiə, hərbi potensialın mövcudluğu Avropa siyasətinin ürəyi olmalıdır", deyə diplomat vurğulayıb.
Borrel həmçinin bildirib ki, Aİ müdafiə və xarici işlər nazirlərinin növbəti görüşündə Ukraynaya yeni hava hücumundan müdafiə sistemlərinin ayrılması müzakirə olunacaq.
Poliqon.info