Türkiyə prezidenti Rəcəb Tayyib Ərdoğan ölkənin ortamüddətli inkişaf proqramı çərçivəsində inflyasiyaya son qoymaq əzmində olduğunu açıqlayıb...
Poliqon “TRT Haber” telekanalına istinadən xəbər verir ki, Ərdoğan ilin ikinci yarısında inflyasiyanın azaldılması planlarını təsdiqləyib.
Telekanalın məlumatına görə, Türkiyə lideri bunu hüquq-mühafizə orqanlarının nümayəndələri ilə iftarda deyib.
“İqtisadi sahədə yol xəritəsi olan orta müddətli proqramımızı və 12-ci İqtisadi İnkişaf Planını həyata keçirmək əzmindəyik. Ümid edirəm ki, ilin ikinci yarısında inflyasiyanın azalmasının şahidi olacağıq”, deyə Ərdoğan bildirib.
Qeyd edək ki, Türkiyədə istehlak qiymətlərinin artım tempi mart ayında artaraq 2022-ci ilin noyabr ayından etibarən yeni maksimuma çatıb. Ölkənin Statistika İnstitutunun (Türkstat) hesabatına görə, mart ayında inflyasiya illik ifadədə 68,5% təşkil edib.
Buna, xüsusən də ölkədə inflyasiyanın əsas hərəkətverici qüvvəsi olan xidmətlərin qiymətinin kəskin artmasına səbəb olan minimum əmək haqqının artırılması səbəb olub.
İnflyasiyanın azaldılması planları çərşənbə günü Türkiyənin vitse-prezidenti Cevdet Yılmazın sədrliyi ilə keçirilən İqtisadi Koordinasiya Şurasının iclasından sonra açıqlanıb.
Şura Milli Statistika İnstitutunun Türkiyədə mart ayında inflyasiya məlumatlarını açıqlamasından sonra toplanıb. Fevraldakı 67,07% ilə müqayisədə 3,16% artaraq 68,5% təşkil edib. 2023-cü ilin sonunda Türkiyədə inflyasiya rəsmi olaraq 64,77% təşkil edib.
Türkiyə Mərkəzi Bankı 2024-cü ilin sonuna inflyasiyanın 36%-ə qədər azalacağını proqnozlaşdırır.
Poliqon.info
Digərxəbərlər
Populyar xəbərlər
