İsrail kəşfiyyatının məlumatına görə Suriyada İran konsulluğuna edilən hücum zamanı həlak olan SEPAH generalı Zahedi Yaxın Şərqdə əməliyyatları idarə edən şəxs olub...
İran İslam İnqilabı Keşikçiləri Korpusunun (SEPAH) Suriya və Livandakı Sepah-e-Qüds xüsusi təyinatlı qüvvələrinin öldürülmüş komandiri Zahedi “Hizbullah” lideri Nəsrullah ilə hər şeyi koordinasiya edib və silah təchizatı, qüvvələrin yerləşdirilməsi, hücumların planlaşdırılmasına, həmçinin HƏMAS və digər təşkilatların Livan ərazisindən nəzarəti cavabdeh olub.
Poliqon xəbər verir ki, bu barədə Amerikanın “Al-Monitor” analitik saytı İsrail kəşfiyyatındakı mənbəyə istinadən məlumat yayıb.
Qeyd edək ki, aprelin 1-də Suriya mediası İranın Dəməşqdəki səfirliyinə bitişik binaya hava zərbəsi endirilməsi barədə məlumat yayıb. Hücum nəticəsində İslam İnqilabı Keşikçiləri Korpusunun Suriya və Livandakı Sepah-e-Qüds xüsusi təyinatlılarının komandiri Məhəmməd Rza Zahedi məhv edilib. Daha sonra İran İslam İnqilabı Keşikçiləri Korpusunun Zahedinin və daha 6 iranlı zabitin öldürüldüyünü təsdiqləyib.
Eyni zamanda, “Ynet” nəşri İsrail rəsmilərinə istinadən hücuma məruz qalan binanın İran səfirliyinə aid olmadığını, zərbələrin Sepah-e-Qüds hərbi obyektinə endirilildiyini yazıb.
Poliqon.info
Digərxəbərlər
Populyar xəbərlər
