Kral III Çarlz xərçəng müalicəsi haqqında danışıb

Poliqon xəbər verir ki, bu barədə “Just Jared” məlumat yayıb.

Nəşr qeyd edir ki, martın 31-də kral III Çarlz Vindzor qəsrindəki Müqəddəs Georgi kapellasında Pasxa mərasimində iştirak edib. 75 yaşlı monarx 76 yaşlı həyat yoldaşı Kraliça Kamilla ilə ictimaiyyət qarşısına çıxıb. Bir neçə gün sonra internetdə Böyük Britaniya kralının ictimaiyyəti salamladığı video yayılıb. Bu videoda bir qadın III Çarlzın tezliklə sağalmasını arzulayıb.

“Mən bacardığım hər şeyi edirəm”, deyə kral cavab verib.

Qeyd edək ki, fevralın 5-də Bukingem Sarayının mətbuat xidməti kral Çarlza xərçəng diaqnozu qoyulduğunu açıqlayıb. Xəstəliyə görə monarx müvəqqəti olaraq ictimai vəzifələrini dayandırıb.

Martın 22-də Şahzadə Uilyamın həyat yoldaşı Keyt Middlton da xərçəngdən əziyyət çəkdiyini açıqlayıb. Middilton hazırda profilaktik kimyaterapiyanın ilkin mərhələsindədir. O, xərçəngin qarın nahiyəsində əməliyyatdan sonra aparılan müayinələr zamanı aşkar edildiyini bildirib.

Poliqon.info