Britaniya kraliçası Kamilla xərçəng diaqnozu qoyulan şahzadə Keyt Middleton haqqında açıqlama verib...
Poliqon bu barədə The Sun-a istinadən xəbər verir.
Martın 27-də kraliça Kamilla Şrusberi Fermerlər Bazarını ziyarət edib. Britaniya kralının xanımı səfəri zamanı Keyt Middleton haqqında danışıb. O, Uels şahzadəsinin xərçəng xəbərindən sonra aldığı dəstəkdən məmnun olduğunu bildirib.
"Mən bilirəm ki, Keyt bütün xoş arzular və dəstəkdən məmnundur", deyə kraliça Kamilla bildirib.
Britaniya kralının həyat yoldaşı da Keyt Middleton üçün qızılgül və ürək plakatı alıb. O, şahzadəyə hədiyyələr verəcəyini vəd edib.
Yanvarın 16-da Keyt Middleton London klinikalarından birinə yerləşdirilib. Elə həmin gün əməliyyat olunub. Kral ailəsi rəsmilərinin sözlərinə görə, əməliyyat əvvəlcədən planlaşdırılıb.
Martın 22-də Keyt Middleton elan edib ki, ona xərçəng diaqnozu qoyulub və hazırda profilaktik kimyaterapiya kursunun ilkin mərhələsindədir. O, xərçəngin qarın boşluğunda cərrahiyyə əməliyyatından sonra aparılan müayinələr zamanı aşkar edildiyini bildirib.
Poliqon.info
Digərxəbərlər
Populyar xəbərlər
