Ağ Evdən bildirilib ki, Vladimir Putin rəqiblərini həbs etdiyi və digər mümkün namizədlərin ona qarşı mübarizə aparmasının qarşısını aldığı üçün Rusiyada keçirilən seçkilər açıq-aydın nə azad, nə də ədalətli deyil...
Poliqon xəbər verir ki, bu barədə “Amerikanın səsi” radistansiyasının məlumatında bildirilir.
Qeyd edək ki, bazar günü seçki məntəqələri bağlandıqdan sonra məlum olan ilk rəsmi nəticələrə görə, Putin 87,97% səs toplayıb.
Putinin 71 yaşı var və iyirmi ildən artıqdır ki, hakimiyyətdədir. İndi onu daha 6 illik müddət gözləyir.
Həmçinin Rusiyadakı seçkiləri şərh edən Ukrayna prezidenti Vladimir Zelenski deyib ki, Putin əbədi hakimiyyətdə olmaq istəyir və Rusiyada keçirilən prezident seçkiləri qeyri-legitim imitasiyadır.
“Bu seçki imitasiyasının legitimliyi yoxdur və ola da bilməz. Bu adam Haaqa məhkəməsinə aparılmalıdır. Biz buna nail olmalıyıq”, deyə Ukrayna prezidenti əlavə edib.
Poliqon.info