78-ci sessiya prezidenti: BMT Baş Assambelyası qarşısında duran məsuliyyətə tam cavab verə bilmir

APA xəbər verir ki, bunu BMT Baş Assambleyasının 78-ci sessiyasının prezidenti Dennis Fransis Bakıda keçirilən XI Bakı Qlobal Forumunda xüsusi çıxışında deyib.

"Azərbaycana qlobal dialoqu, tolerantlığı təşviq edən belə bir foruma ev sahibliyi üçün təşəkkür edirəm. Forumun bu ilki mövzusu çox vacibdir. Çoxtərəfli sistem böyük təhdidlərlə üzləşir, biz artıq parçalanan dünyada yaşayırıq, aramızda geosiyasi çatlar dərinləşir, bu da beynəlxalq münasibətlərə münasibətə təsir edir.

BMT Baş Assambelyası onun qarşısında duran məsuliyyətə tam cavab verə bilmir", - o deyib.

O çıxışında qlobal yoxsulluğa toxunub. "Biz ədalətsiz maliyyə arxitekturasınının üzərində işləməliyik. Bunu etməsək, dayanıqlı inkişaf məqsədlərinə nail ola bilməyəcək, XXI əsrin tələblərinə cavab verə bilməyəcəyik", - o qeyd edib.

"Biz bu gün Qərbi Afrikada toqquşma və çevrilişlərə şahid oluruq, Ukraynadakı qanlı müharibə artıq üçüncü ilinə daxil olur, Qəzzadakı humanitar vəziyyət ağırlaşır. Ukraynadakı müharibədə ukraynalılar həlak olur, mülki obyektlər, evlər, enerji sistemləri, xəstəxanalar, məktəblər hədəf alınır, milyonlarla insan qaçqın və köçkündür, onlar evlərini itirib. Ukraynanın üzləşdiyi bu müharibəyə yalnız bu ölkəyə deyil, digər ölkələrə də təsir edir, onun qlobal nəticələri, qida təhlükəsizliyinə ciddi təsirləri var.
Qəzzadakı vəziyyətə baxsaq, orada mülki əhali müharibədən, xəstəliklərdən, aclıqdan ölür, artıq 31 mindən çox adam ölüb. Bu mənasız müharibənin ağır nəticələri, itkilərin sayı bizə sülhün əhəmiyyətini və onun təxirəsalınmazlığının göstərir", - Dennis Fransis vurğulayıb.

O xatırladıb ki, BMT Baş Assambleyası Ukrayna ilə bağlı
6 qətnamə qəbul edib, bu qətnamələrdə Rusiyanın Ukraynaya qarşı işğalçı müharibəsi qətiyyətlə pislənib və Rusiyadan şərtsiz şəkildə ordusunu Ukraynadan çıxarmaq tələb olunub. Bundan başqa Qəzza ilə bağlı humanitar atəşkəsə çağırış edilib. Tərəflərə beynəlxalq hüququn prinsiplərinə əməl etməyə çağırılıb.

BMT Baş Assableyasının 78-ci prezidenti münaqişələrin aradan qaldırılması üçün beynəlxalq hüququn dialoqun təşviqinin vacibliyini vurğulayıb.

Poliqon.info