Yəmənin “Ənsar Allah” (Husi) hərəkatının lideri Əbdülməlik əl-Husi bildirib ki, Qırmızı dəniz və Ədən körfəzində ticarət gəmilərinə edilən hücumlar zamanı 34 yaraqlı öldürülüb...
Poliqon xəbər verir ki, Husi liderinin açıqlamasını “Al Masirah” telekanalı yayıb.
Abdel Malik əl-Husi həmçinin hücuma məruz qalan gəmilərin ümumi sayının 73-ə çatdığını da bildirib. O, Husilərin Ümid burnu bölgəsində gəmilərə qarşı əməliyyatlara başladığını qeyd edib.
“Dəniz əməliyyatlarımızı dayandıra biləcək yeganə şey Qəzza zolağına təcavüz və blokadaya son qoymaqdır”, deyə Abdel Malik əl-Husi qeyd edib.
Qeyd edək ki, Yəmən husiləri 2023-cü ilin noyabrında ABŞ və Britaniya gəmilərinə, eləcə də İsraillə əlaqəli olduğuna inandıqları gəmilərə hücum etməyə başlayıblar. Onlar hərəkətlərini İsraillə müharibədə Fələstinin HƏMAS hərəkatına dəstək verməklə izah edirlər. Yəmən üsyançıları ticarət gəmilərinə hücumlarla məhdudlaşmır. Martın 6-da Husilər hərəkatının rəsmi sözçüsü Yəhya Sari X sosial şəbəkəsində Amerikanın iki hərbi gəmisinə hücum barədə məlumat verib.
Poliqon.info