Şimali Koreya lideri Kim Çen In yeni tankı sınaqdan keçirib

Poliqon xəbər verir ki, bu barədə Koreya Mərkəzi Teleqraf Agentliyi (KCNA) məlumat yayıb. Agentlik xəbər verir ki, yarışda dövlət başçısı ilə birlikdə müdafiə naziri Kan Sun Nam və Koreya Xalq Ordusunun Baş Qərargah rəisi Li Yon Qil iştirak ediblər.

“Tank ekipajlarını yoxladıqdan sonra yoldaş Kim Çen In şəxsən yeni tip döyüş tankına minib və sükanı möhkəm tutaraq tankı idarə edib”, deyə KCNA-nın bəyanatında deyilir. Agentlik qeyd edir ki, Kim Çen In tankın döyüş qabiliyyətindən “məmnun olduğunu” ifadə edib, həmçinin onun manevr qabiliyyətini və gücünü yüksək qiymətləndirib.

Kim Çen In həmçinin yarış qaliblərini əldə etdikləri nəticələr münasibətilə təbrik edib və tank ekipajlarının yüksək hərbi hazırlığını qeyd edib.

Poliqon.info