Böyük Britaniyanın xarici işlər naziri Devid Kemeron cümə axşamı Berlində almaniyalı həmkarı Annalena Baerbok ilə danışıqlarda Ukraynaya dəstəyin artırılmasını və Qəzzaya humanitar yardımın çatdırılması səylərini müzakirə edəcək...
Poliqon xəbər verir ki, bu barədə Reuters Agentliyi Britaniya XİN rəhbərinin bəyanatına istinadən məlumat yayıb.
İki xarici işlər nazirləri ikinci illik Böyük Britaniya-Almaniya Strateji Dialoqu çərçivəsində Ukraynaya hərbi yardımın artırılmasını və Rusiyaya təzyiqi artırmaq yollarını müzakirə edəcəklər.
Nazirlər həmçinin Qəzzada atəşkəs əldə edilməsi, Fələstin anklavına yardım və qeyri-qanuni miqrasiyanın qarşısının alınması istiqamətində irəliləyişi də müzakirə edəcəklər.
Xəbərdə qeyd edilir ki, Böyük Britaniyanın xarici işlər naziri Kiyevə ölkədə dondurulmuş bütün Rusiya aktivlərini borc verməyi təklif edir.
"Biz müdafiəmizi gücləndirməliyik, Almaniya kimi ən güclü dostlarımıza yaxın olmalıyıq və köməyi ilə yeni müttəfiqlərə çatmalıyıq", deyə Kemeron bildirib.
Poliqon.info