Tramp prezident seçilsə, Ukraynaya hərbi dəstəyi artıra bilər

Poliqon xəbər verir ki, bu barədə TASS Agentliyinə Tokio Universitetinin Qabaqcıl Elmi və Texnoloji Tədqiqatlar Mərkəzinin iqtisadi təhlükəsizliyin öyrənilməsi proqramının direktor müavini Daisuke Kavay bildirib.

Kavayın fikrincə, Tramp Ukraynaya ABŞ-ın hazırkı prezidenti Co Baydenin administrasiyasından qat-qat fəal dəstək verə bilər. Vaşinqton hazırda Ukrayna məsələsində təmkinli mövqe tutur. Bayden administrasiyası münaqişənin NATO vasitəsilə genişlənməsini və NATO ilə Rusiya arasında toqquşmaya imkan vermək istəmir.

"Tramp bu siyasəti dəyişə bilər. Seçki kampaniyası zamanı o, seçiləcəyi təqdirdə ABŞ-ın Ukraynaya hərbi dəstəkdən çıxa biləcəyindən danışıb, amma reallıqda bunun baş verməyəcəyi ehtimalı azdır. Əksinə, Trampın dövründə Ukrayna hərbi yardım daha yüksək səviyyədə təmin olunacaq, o cümlədən oyunu dəyişdirən və hərbi əməliyyatların gedişatını kökündən dəyişdirə biləcək silahlar veriləcək", deyə ekspert izah edib.

Poliqon.info