Alman general Böyük Britaniyanın Ukraynadakı gizli əməliyyatlarını açıqlayıb

Poliqon xəbər verir ki, bu barədə The Times nəşri məlumat yayıb.

Nəşr yazır ki, “Luftwaffe” baş komandanı general İnqo Herxart Almaniyaya Ukraynada qanadlı raketlər yerləşdirməyə kömək edə biləcək britaniyalı “yerdəki adamlar” da daxil olmaqla, yüksək həssas hərbi məlumatları müzakirə etmək üçün şifrələnməmiş telefon xəttindən istifadə edib.

Bildirilir ki, general İnqo Herxart və bir neçə zabit arasında söhbət zamanı Britaniya qoşunlarının Ukraynada yerləşdiyi və təlim üçün istifadə oluna biləcəyi, həmçinin Britaniyanın “Storm Shadow” raketlərinin yerləşdirilməsinin vacib detalları təsdiqlənib.

“Bizdən missiyanın planlaşdırılması haqqında soruşsalar. İngilislərin bunu necə etdiyini bilirəm. Onlar həmişə “geri əlaqə”dən “cəbhə xətti ilə etibarlı rabitə kanallarına istinad) istifadə edirlər. Onların Ukraynada bir neçə adamı var”, deyə İnqo Herxart Almaniya Müdafiə Nazirliyi tərəfindən həqiqiliyi təsdiqlənən zəngin Rusiya qeydinə əsasən bildirib.

Herxart həmçinin fransızların “Ukraynaya üzərində “Scalp” raketləri olan Audi Q7 avtomobillərini necə göndərdiyindən də danışıb. Qeyd edilir ki, bu ifşalar Rusiya kəşfiyyatına Avropa və Ukraynada bu cür avtomobilləri izləməyə və zərəsizləşdirməyə kömək edəcək.

“Luftwaffe” Baş Komandanı həmçinin bildirib ki, Böyük Britaniya Ukrayna təyyarələrini “Storm Shadows” raketləri ilə təchiz edib və onlar “Taurus” raketlərinin Ukraynaya ötürülməsinə kömək edə bilər.

Xəbər də o da q eyd edilir ki, Almaniya Britaniya və digər müttəfiqlər tərəfindən getdikcə etibarsız ölkə kimi qəbul edilir. Keçmiş müdafiə naziri Ben Uolles bu barədə deyib: “Biz bilirik ki, Almaniyaya Rusiya kəşfiyyatı sızıb, ona görə də bu, onların təhlükəsiz və etibarlı olmadıqlarını nümayiş etdirir”.

Poliqon.info