ABŞ Dövlət Departamentinin mətbuat xidmətinin rəhbəri Metyu Miller bildirib ki, Birləşmiş Ştatlar Rusiyanın tanınmamış Dnestryanı bölgəsindəki hərəkətlərini diqqətlə izləyir...
Poliqon Dövlət Departamentinin mətbuat xidmətinə istinadən xəbər verir ki, Millder Vaşinqtonun Moldovanın beynəlxalq səviyyədə tanınmış sərhədləri daxilində suverenliyini və ərazi bütövlüyünü qətiyyətlə dəstəklədiyini vurğulayıb.
“Biz Kişinyov və Tiraspolu birlikdə işləməyə və Dnestrin hər iki sahilindəki sakinləri narahat edən aktual problemlərin həlli yollarını tapmağa çağırmaqda davam edirik”, deyə Miller brifinq zamanı bildirib.
Qeyd edək ki, fevralın 28-də tanınmamış “Pridnestroviya Moldova Respublikası” deputatlarının qurultayında Dövlət Dumasına və Federasiya Şurasına müraciətlə qərarlar qəbul edilib. “Dnestryanı” hakimiyyət Moldovanın iqtisadi blokadasına görə Rusiyadan kömək istəyib.
Sənəddə həmçinin Moldova və “Dnestryanı Respublika” arasında münaqişənin daha da genişlənməsinin qarşısının alınması xahişi ilə BMT-nin Baş katibinə, MDB-yə, Avropa Parlamentinə, Avropada Təhlükəsizlik və Əməkdaşlıq Təşkilatına və digər beynəlxalq birliklərə müraciətlər də yer alıb.
Poliqon.info