ABŞ rəsmiləri türk qurumlarını valyuta əməliyyatlarını dayandırmaqla hədələdiyi üçün Türkiyədəki banklar Rusiyadan ticarət ödənişlərini reallaşdıra bilmir...
Poliqon xəbər verir ki, bu barədə Türkiyənin "Aydınlık" qəzeti ixracatçılara istinadən məlumat yayıb.
Nəşrin məlumatına görə, ABŞ-ın Ankara və İstanbuldakı səfirliyi və baş konsulluğunun diplomatları yerli şirkətlərə və maliyyə qurumlarına baş çəkir və onları Rusiya Federasiyası ilə ticarət əlaqələrinə görə sanksiyalarla hədələyirlər.
Rusiyadan alınan xarici valyutanın banklarda saxlanıldığı da məlum olub. Bundan əlavə, ərzaq ödənişləri istisna olmaqla, malların ödənişi dayandırılıb.
"Aydınlık" qeyd edir ki, təhlükə banklar vasitəsilə svopların ləğv edilməsindədir. Yəni, Türkiyə şirkəti Rusiya tərəfi ilə mal və xidmətlərin alqı-satqısı ilə iş aparmağa davam edərsə, onun bank hesabları vasitəsilə svop əməliyyatının aparılması imkanları bloklanacaq.
Ötən həftə "Ekonomim" qəzeti Türkiyə tərəfinin riskə getmək istəmədiyini, ona görə də Ankaranın Rusiya Federasiyasından transferlərdə problemlərin aradan qaldırılması üçün atdığı addımların indiyədək heç bir nəticə vermədiyini yazıb. Hazırda yerli ixracatçılar Rusiya ilə ticarəti saxlamaq üçün rəsmi kanallardan yan keçərək əməliyyatlar aparmağa məcburdurlar.
Poliqon.info
Digərxəbərlər
Populyar xəbərlər
