Qert Vilders: Ukraynalılar Niderlanda müharibəyə görə deyil, pulsuz rifah üçün gəlirlər...
“Niderland həddindən artıq çox ukraynalı qaçqını qəbul etdiyinə görə “Avropanın axmağıdır””.
Poliqon The Telegraph nəşrinə istinadən xəbər verir ki, bunu Niderlandda Baş nazir postuna namizəd olan ifrat sağçı “Azadlıq” Partiyasının lideri Qert Vilders bildirib.
“Ukraynalılar Hollandiyaya müharibəyə görə deyil, pulsuz mənzil, pulsuz rifah və iş yerlərimiz üçün dəstə-dəstə gəlirlər”, deyə Vilders sosial şəbəkələrdə yazıb.
Qeyd edək ki, sağ millətçi “Azadlıq” Partiyası üç ay əvvəl Niderlandda keçirilən ümumi seçkilərdə qalib gəlib, lakin indiyədək koalisiya hökuməti qura bilməyib. Vladimir Putinə qarşı yumşaq davranmaqda günahlandırılan Qert Vilders, Niderlandın özünümüdafiə üçün silahlara ehtiyacı olduğunu iddia edərək, Ukraynaya hərbi yardımı dayandırmaq istəyir.
Səlahiyyət müddəti başa çatan Baş nazir Mark Rutte isə bu həftə sonu bildirib ki, Niderlandın Ukraynaya dəstəyi uzun müddət davam edəəcək.
Poliqon.info