Nümayəndələr Palatası Mayorkasın impiçmentini dəstəkləyib

ABŞ Konqresinin Nümayəndələr Palatası Daxili Təhlükəsizlik naziri Alexandro Mayorkasın impiçmentini dəstəkləməyə səs verib.

Poliqon xəbər verir ki, bu barədə CNN telekanalı məlumat yayıb. Qeyd edilir ki, bu, Konqresin aşağı palatasının ikinci səsverməsidir, bir həftə əvvəl keçirilən səsvermədən sonra impiçment qətnaməsi səs çoxluğunu qazanmamışdı.

Son səsvermə nəticəsində impiçment qətnaməsini 214 qanunverici dəstəkləyib, 213-ü isə əleyhinə çıxıb.CNN qeyd edir ki, Alexandro Mayorkas son 15 ildə Nümayəndələr Palatasının impiçment elan etdiyi ilk ABŞ naziri olub. Qətnamə indi Demokratların nəzarətində olan Senatda nəzərdən keçirilməlidir.

Respublikaçılar Alexandro Mayorkası Meksika ilə sərhəddəki böhrana görə istefaya çağırıblar. Onlar nazirin qeyri-qanuni miqrasiya ilə mübarizədə uğursuzluğa düçar olduğunu və böhrana səbəb olduğunu təkid etdilər. ABŞ prezidenti Co Bayden Nümayəndələr Palatasında səsvermədən sonra qətnaməni konstitusiyaya zidd adlandırıb və respublikaçıları siyasi oyunlara başlamaqda ittiham edib.

Poliqon.info