Husilər Yəmən sahillərində ticarət gəmisinə hücum edib

Yəmənin Əl-Muxa liman şəhərindən 40 dəniz mili cənubda, Qırmızı dənizdə Britaniya ticarət gəmisi hücuma məruz qalıb.

Poliqon xəbər verir ki, bu barədə Böyük Britaniya Dəniz Ticarət Əməliyyatları (UKMTO) Dəniz Ticarət Əməliyyatlarının Koordinasiya Mərkəzi X sosial şəbəkəsində məlumat yayıb.

Gəminin kapitanı gəmiyə iki raket atıldığını bildirib. Ekipaj üzvlərindən heç biri xəsarət almayıb, gəmi limana doğru gedir.

UKMTO digər gəmilərin ekipajlarını Yəmən sahillərində hərəkət edərkən ehtiyatlı olmağa və hər hansı şübhəli fəaliyyət barədə məlumat verməyə çağırıb.

Qeyd edək ki, Fələstinin HƏMAS hərəkatı ilə İsrail arasında qarşıdurmanın şiddətlənməsindən sonra Yəmənin Husi üsyançı hərəkatı “Ənsar Allah” İsrail ərazilərinə hücumlar həyata keçirəcəyini və bu ölkə ilə əlaqəli gəmilərin Qırmızı dəniz və Bab-əl-Məndəb sularından keçməsinə icazə verməyəcəyini bildirib.

Fevralın 11-də ABŞ ordusu Yəmənə növbəti zərbələr endirib, husi üsyançılarının iki yerüstü pilotsuz təyyarəsini və üç qanadlı raketini məhv edib.

Poliqon.info