Ekvador prezidenti Rusiya hərbi texnikasını ABŞ-a verəcək

PoliqOn TASS Agentliyinə istinadən xəbər verir ki, prezident Ekvadorun istənilən halda razılaşmanı davam etdirəcəyini vurğulayıb.

“Biz sübut etdik ki, bu, metal qırıntılarıdır və beynəlxalq müqavilələrə uyğun olaraq, hərbi texnika ötürülə bilməz, lakin oxşar metal qırıntıları verilə bilər”, deyə Noboa “Ecuavisa” telekanalına müsahibəsində bildirib.

Qeyd edək ki, kvador prezidenti yanvarın 11-də bu barədə planlarını açıqlayıb. Ehtimal edilir ki, Ekvador ABŞ-a Rusiya və Ukrayna istehsalı olan hərbi texnika verəcək və bunun müqabilində 200 milyon dollar dəyərində yeni texnika alacaq.

Rusiya Hərbi-Texniki Əməkdaşlıq üzrə Federal Xidməti bunun ikitərəfli münasibətlərdə mənfi nəticələrə gətirib çıxaracağı ilə bağlı Ekvadora xəbərdarlıq edib. Rusiya səfiri Vladimir Sprinçan deyib ki, Moskva hərbi texnikanın Vaşinqtona təhvil verilməsini qeyri-dost addım kimi qiymətləndirəcək.

Poliqon.info