Yaponiyanın Baş naziri Fumio Kişida Şimali Koreya lideri Kim Çen Inla zirvə görüşünə hazırlaşdığını bildirib...
Poliqon “RİA Novosti” Agentliyinə istinadən xəbər verir ki, Baş nazir bu barədə ölkə parlamentində keçirilən dinləmələr zamanı məlumat verib.
Kişida qeyd edib ki, o, Kim Çen Ina Yaponiya-Şimali Koreya münasibətlərindəki problemləri həll etmək və hər iki ölkə üçün yeni bir dövr açmaq niyyətini bildirməyə davam edir.
“Eyni zamanda, hesab edirəm ki, ən qısa zamanda sammitin keçirilməsi və Şimali Koreyanı yüksək səviyyəli danışıqlara təşviqi lazımdır”, deyə Baş nazir vurğulayıb.
Kişida bu məqsədə çatmaq üçün müxtəlif kanallar vasitəsilə müxtəlif işlərin görüldüyünə diqqət çəkib. Eyni zamanda o, qeyd edib ki, danışıqların məzmununu açıqlaya bilməz, çünki bu, gələcək danışıqlara təsir edə bilər.
Poliqon.info