Fələstinin xarici işlər naziri Riyad əl-Maliki Avropa İttifaqına üzv ölkələrin xarici işlər nazirlərinin Brüsseldə keçirilən iclası çərçivəsində Fransa, Polşa, İsveç, İspaniya və Kiprdən olan həmkarları ilə danışıqlar aparıb...
Poliqon Fələstinin WAFA xəbər agentliyinə istinadən xəbər verir ki, ayrı-ayrı görüşlərdə Qəzza zolağında atəşkəsə nail olmaq səyləri və İsrailə təzyiq göstərilməsinin zəruriliyi müzakirə olunub.
Fələstin tərəfinin nümayəndəsi həmkarlarını Qəzza zolağının cənubundakı Xan Yunis şəhərindəki vəziyyətlə bağlı məlumatlandırıb. O vurğulayıb ki, beynəlxalq ictimaiyyət təcavüzü dayandırmaq və regionda vəziyyətin pisləşməsinin qarşısını almaq üçün İsrailə təzyiq göstərmək öhdəliyi daşıyır.
Əl-Malikinin sözlərinə görə, İsrailə təzyiq həm də regionda atəşkəsə nail olmağa kömək edəcək ki, bu da humanitar yardım axınını artıracaq və müharibədən sonrakı gələcək haqqında danışmaq imkanı yaradacaq.
Poliqon.info
Digərxəbərlər
Populyar xəbərlər
