Türkiyə və Rusiya arasındakı birgə biznes layihələri təhlükə altındadır

Poliqon xəbər verir ki, bu barədə "RİA Novosti" Agentliyinə Rusiya bazarına kosmetika və məişət məhsulları tədarük edən türk şirkətlərindən birindəki mənbə deyib.

Bundan əvvəl mediada türk ixracatçılarının Rusiyadan malların ödənişi üçün nəzərdə tutulan pul köçürmələrini qəbul etməkdən imtina etməsi ilə bağlı məlumatlar yayılıb. Yanvarın 1-dən etibarən əməliyyatlar faktiki olaraq dayandırılıb. Rusiyanın Ankaradakı səfiri Aleksey Erxov bildirib ki, diplomatlar bu məsələ ilə bağlı Türkiyə rəsmiləri ilə əlaqə saxlayırlar.

"Biz həqiqətən ümid edirik ki, problem bu həftə həll olunacaq. İki ölkənin birgə biznes layihələri böyük risk altındadır. Bizə məlumat verilib ki, aidiyyatı qurumlar problemi həll edir", deyə agentliyin mənbəsi qeyd edib.

Ankaradakı bir bank mənbəsi əvvəllər maliyyə əməliyyatları ilə bağlı problemin ilin əvvəlində yarandığını, bunun qismən də Qərbin sanksiyaları səbəbindən Türkiyəyə təzyiqlər nəticəsində yarandığını bildirib. Agentliyin həmsöhbəti vurğulayıb ki, bank sektoru Türkiyə tərəfinin anti-Rusiya sanksiyalarından yan keçməyə kömək etdiyinə dair heç bir sübut əldə etməyib.
​
Poliqon.info