ABŞ yeni dünya nizamının formalaşdığını elan etdi...

ABŞ prezidentinin müşaviri Ceyk Sallivan yeni dünya düzəninin formalaşdığını elan edib.

Poliqon xəbər verir ki, ABŞ prezidenti Co Baydenin Milli Təhlükəsizlik üzrə müşaviri Ceyk Sallivan Davosda keçirilən Dünya İqtisadi Forumunda, hazırda yeni dünya nizamı formalaşdığını, Vaşinqton və müttəfiqlərinin bu prosesə təsir etmək imkanı olduğunu bildirib.

“Doğrudan da, hazırda yeni dünya nizamı formalaşır. İstənilən halda dünya nizamı daim inkişaf edir və İkinci Dünya Müharibəsinin bitməsindən sonra da bu proses inkişaf edir. Biz bir dövrün sonuna gəldik, başqa bir dövrün başlanğıcına yaşanaqdayıq”, deyə Sallivan Dünya İqtisadi Forumunda çıxışı zamanı qeyd edib.

ABŞ prezidentinin Milli Təhlükəsizlik üzrə müşaviri vurğulayıb ki, Qərbin yeni dövrün necə olacağına təsir etmək imkanı var.

“Ən dəyərli prinsipləri gələcəyə götürmək üçün sona çatan nizamın əsasına çevrilmiş mövcud institutları dəyişdirə və yeni nizama uyğunlaşdıra bilərik”, deyə Sallivan bildirib.

Sallivan həmçinin Rusiyanın artan təsirinə işarə edib və bildirib ki, yeni strategiyanın bir hissəsi “təcavüzdən müdafiə” olacaq.

Poliqon.info