Britaniya husiləri yeni hücumlarla hədələyib

Böyük Britaniyanın müdafiə naziri Qrant Şapps Yəməndəki husilərin mövqelərinə lazım gələrsə, yeni zərbələr endirəcəyini istisna etməyib...

Poliqon xəbər verir ki, bu barədə Sky News telekanalı məlumat yayıb.

"Məqsədimiz Yəmənə və ya buna bənzər bir şeyə təcavüz etmək deyil, sadəcə olaraq İranın dəstəklədiyi husilərə Qırmızı dənizdəki davranışlarının tamamilə qəbuledilməz olduğu barədə çox açıq, birmənalı mesaj göndərməkdir", deyə müdafiə naziri bildirib.

"Bu, lazım gələrsə, Yəmənə daha çox zərbə endirməyə icazə verəcəyi anlamına gəlirmi sualına", Şapps "buna baxacağını" deyib.

"Əgər əlavə tədbirlər görməli olsaq, bunu nəzərdən keçirəcəyik. Vəziyyəti nəzarətdə saxlayacağıq və onlar (husilər) bilməlidirlər ki, dayanmasalar təbii ki, biz qəbul edilməli olan qərarlar verəcəyik", deyə Böyük Britaniya hərbi departamentinin rəhbəri vurğulayıb.

Bundan əvvəl Böyük Britaniyanın xarici işlər naziri Devid Kemeron husilərin Qırmızı dənizdəki hərəkətlərinin terror aktı olduğunu, buna görə də Qərbin hərəkətsizliyinin daha çox hücuma səbəb ola biləcəyini deyib. Britaniyanın xarici işlər naziri həmçinin bildirib ki, hökumət gələcək hərbi əməliyyatlara qoşulmağa hazır olacaq.