Çin prezidenti Si Tsinpin, husilərin ticarət gəmilərinə hücumlarının ölkıəsi üçün yaratdığı risklərə baxmayaraq, Qırmızı dəniz uğrunda döyüşmək fikrindən uzaqdır...
Poliqon xəbər verir ki, bu barədə Bloomberg Agentliyinin məqaləsində bildirilir.
“ABŞ və Böyük Britaniya İranın dəstəklədiyi Husi üsyançılarının Qırmızı dənizdə gəmilərə hücumunu dayandırmaq üçün hava hücumlarına başlasa da, Çin yenə məmnuniyyətlə kənarda oturur”, deyə məqalədə deyilir.
Agentliyin analitiki hesab edir ki, Çin lideri üçün itkilər hələ ki, müdaxilə risklərini və hərəkətsizliyin faydalarını üstələyəcək qədər yüksək deyil.
“Si Tsinpin gözləyə, ABŞ və müttəfiqlərinin Yaxın Şərqin bəzi bölgələrində anti-Amerika əhval-ruhiyyəsini alovlandıraraq husilərlə döyüşməsinə fürsət verə bilər. Çinin əsas məqsədi özünü neytral bir hakim kimi təqdim etməkdir. Eyni zamanda Pekin qüvvələrinin əksəriyyətini Tayvan uğrunda döyüşmək üçün hazır saxlayır”, deyə məqaldə vurğulanır.
Poliqon.info