2024 tarixin ən isti ili ola bilər

Poliqon xəbər verir ki, bu barədə Bloomberg Agentliyi ekspertlərə istinadən məlumat yayıb.

Qeyd edilir ki, rekord istilərin səbəblərindən biri El Nino fenomeni - Sakit okeanın ekvatorial hissəsində suyun səth qatının temperaturunun dəyişməsi ola bilər.

Ümumdünya Meteorologiya Təşkilatı 2023-cü ili tarixin ən isti ili adlandırıb, lakin 2024-cü il daha da isti ola bilər.

Milli Okean və Atmosfer Administrasiyasının baş elmi işçisi Maykl Makfadenin sözlərinə görə, Sakit okeanda suyun istiləşməsi Yer səthinin temperaturunun artmasına təsir göstərir. Buna görə də, El Nino fenomeninin təsiri altında olan ikinci ilin birincidən daha isti olması proqnozlaşdırılır.

Əvvəllər Kvinslend Universitetinin avstraliyalı alimləri bildirmişdilər ki, yaxın bir-iki il ərzində həddindən artıq istilər səbəbindən bütün dünyada mərcanlar böyük itkilər riski altındadır. Tarixi məlumatlar göstərir ki, hazırkı dəniz isti dalğaları, ehtimal ki, növbəti 12-24 ay ərzində kütləvi qlobal mərcan itkisinin xəbərçisi olacaq. Bu isə okeanlarda tempraturun arması ilə nəticələnəcək.

Poliqon.info