Fransızların böyük əksəriyyəti ölkənin hazırkı prezidenti Emmanuel Makronla yox, Eduard Filipplə və Mari Le Penlə bir stəkan pivə içməyə üstünlük verdiklərini bildiriblər...
Poliqon xəbər verir ki, bunu Fransa İctimai Rəy İnstitutunun və “CorioLink” kommunikasiya agentliyinin ifop saytında dərc etdiyi sorğunun nəticələri sübut edir.
“Beer Test” adlı sorğuya görə, fransızların əksəriyyəti (37%) keçmiş Baş nazir və Havr şəhərinin hazırkı meri Eduard Filipplə içki içmək istəyir. Le Pen 35 faizlə ikinci və 34 faizlə üçüncü yeri isə hazırkıhazırkı təhsil naziri Qabriel Attal tutub. Makron 28% səslə dördüncü yerdə qərarlaşıb.
Ekspertlər qeyd edirlər ki, sorğunun mövcud olduğu altı il ərzində Le Pen 10 faiz daha artıq səs toplayaraq “içki dostu” kimi daha populyarlaşıb. 2017-ci ildə 44% səs toplayan Makron, əksinə, Fransa vətəndaşlarının etibarını itirib.
Qeyd edək ki, sorğunun özündə müəyyən siyasi məzmun var. Bu sorğunun köməyi ilə ekspertlər qeyri-rəsmi olaraq müxtəlif seçkilərdə namizədlərin cəlbediciliyini ölçürlər.
Poliqon.info